തിരുവനന്തപുരം: കമ്യൂണിസ്റ്റ് ഇതിഹാസം K.R. ഗൗരിയമ്മ(101) അന്തരിച്ചു. സംസ്കാരം ആലപ്പുഴ വലിയചുടുകാട്ടില്. 1957ലെ ആദ്യ കമ്മ്യൂണിസ്റ്റ് മന്ത്രി സഭയില് അംഗമായിരുന്നു അവര്. പിന്നീട് LDF, UDF മ്രന്തിസഭകളില് അംഗമായിരുന്നു.
K.R. ഗൗരിയമ്മ
ചേര്ത്തലയ്ക്ക് സമീപം അന്ധകാരനഴിയിലാണു ഗൗരിയമ്മയുടെ ജനനം. കളത്തിപ്പറമ്പില് കെ.എ രാമന്റെയും പാര്വ്വതിയമ്മയുടെയും മകളായി 1919 ജൂലൈ 14ന് കെ.ആര് ഗൗരി ജനിച്ചു.
എറണാകുളം മഹാരാജാസില് നിന്നും ബിരുദവും തിരുവനന്തപുരം ലോ കോളേജില് നിന്ന് ബിരുദാനന്തര ബിരുദവും പൂര്ത്തിയാക്കി. വിദ്യാര്ത്ഥി രാഷ്ട്രീയത്തില് സജീവമായിരുന്നു. 1954ല് നടന്ന തിരുകൊച്ചി നിയമസഭാ തിരഞ്ഞെടുപ്പില് വന് ഭൂരിപക്ഷത്തോടെ വിജയിച്ചു.
1957ല് അന്നത്തെ കമ്മ്യൂണിസ്റ്റ് മന്ത്രിസഭയില് അംഗമായിരുന്ന ടി.വി തോമസും ഗൗരിയമ്മയും വിവാഹിതരായി. 1964 കമ്മ്യൂണിസ്റ്റ് പാര്ട്ടി രണ്ടായി പിളര്ന്നപ്പോള് തോമസ് CPIയിലും ഗൗരിയമ്മ CPMലും ചേര്ന്നു. പാര്ട്ടിയുടെ പിളര്പ്പ് ഇവരുടെ വിവാഹ ബന്ധത്തിലും പ്രതിഫലിച്ചു.